Coro de Iddanoa - Una mama ninnende...

Cando in su sonnu sorries dromminde a su nessi no bides cando a cua a mama, po sa malasorte sua e tua, isconsolada pianghinde. Ca un'ispina in su coro punghinde m'intendo, e-i s'acuta punta sua a colu a colu una ràanchida lua m'est in totu sas venas isparghinde. Si no molzo, est ca tue in tantu iscuru mi lughes, ch'ida inue ponner pese andende, e si de babbu orfanu sese orfanu no ti chelzo 'e mama puru: drommi e sònnia sorte a su futuru, ja basto deo a piangher po trese.

Quando sorridi nel sonno, almeno non vedi quando di nascosto mamma, per sfortuna sua e tua, sconsolata piange. Perchè mi sento una spina pungere nel cuore, e la sua acuminata punta pian piano un amaro veleno mi sta spargendo nelle vene. Se non muoio è perchè in tanto oscuro la tua luce mi guida dove possa mettere i passi, e se sei già orfano di padre non voglio tu lo sia anche di madre. Dormi e sogna buona fortuna in futuro, basto io a pianger per tre.

Poesia di Remundu Piras, musica di Gianni Sogos.